Насилни протести во Атина поради посетата на Обама

Над 7 илјади лица, најмногу од крајната левица протестираа против присуството на американскиот претседател во грчката престолнина. Протестите се претворија во немири, по што мораше да реагира и полицијата која употреби шок бомби и солзавец.

Демонстрантите протестираа против војната пред сѐ во Сирија, но и поради нарушените американско- турски односи.

На полицијата беа фрлани молотови коктели на популарниот плоштад Синтагма.

Посетата на Обама е само два дена пред годишнината од крвавата 1973-та и студентските протести против хунтата во Грција што беше поддржана од американската влада.