Македонија против конвенцијата за контрола на тутунот

Македонија нема да ја поддржи определбата на Рамковната конвенција за контрола на тутунот која предвидува земјите да не инвесираат во производство и во промоција на  тутунот и да ги намалат површините под оваа земјоделска култура.

Европа го намалува производството, а истовремено расте светската продукција. Тутунската индустрија, тутуно- производителите и државата имаат идентичен став, да не се применуваат препораките од Конвенцијата и да остане сегашното ниво на субвенционирање.

Тоа овозможува егзистенција на повеќе од 42 илјади семејства, а третина од буџетот се полни од давачките поврзани со производството и прометот поврзани со оваа култура.

Засега нема алтернатива за тутунот на овие земјоделски површини, е идентичен ставот на експертите и на сите заинтересирани страни. 

„Овие обврски се за жал во контрадикција со постоечката економска реалност во Република Македонија. Ја знаеме важноста на тутутнот како култура и економскиот ефект од призводство и извоз на цигари. Тутунот бара одредени карактеристики на почва кои не одговараат на останатите култури. И покрај обидите, со покажа дека други култури на оваа почва не виреат“, вели Васко Ристоски од Стопанската комора на Македонија.