Лавров: Воздушните напади во Сирија насочени кон Идлиб и Хомс

Русија ги изврши првите напади во Сирија со авиони кои летнаа од базите на рускиот носач „Адмирал Кузњецов“ стациониран во сириските води. Цел на нападите беа позициите на Исламска држава и Фронтот Ал-Нусра.

Бомбардиран е и источниот дел на Алепо каде што, според бунтовниците, се уништени болница и амбулантни возила. Рускиот министер за надворешни работи Лавров тврди дека нападите се ограничени само во провинциите Идлиб и Хомс.

Во меѓувреме, Советот за безбедност на Обединетите нации ја продолжи за една година работата на Комисијата за истражување на хемиските напади во Сирија.