Совет за етика во медиумите: Aпел за урамнотежено и коректно известување
Советот нагласува дека повеќе од кога и да е, постои потреба од урамнотежено и коректно известување со цел на јавноста да и се овозможи да го разбере и да учествува во политичкиот процес.
Советот за етика во медиумите апелира за целосна професионална одговорност во новинарството, промовирање партиципаторен политички процес и континуиран пристап на јавноста до релевантни и веродостојни информации во врска со почетокот на изборната кампања во Република Македонија.
Советот нагласува дека повеќе од кога и да е, постои потреба од урамнотежено и коректно известување со цел на јавноста да и се овозможи да го разбере и да учествува во политичкиот процес. Медиумите не треба да дозволат да бидат манипулирани од политичарите и другите актери во изборниот политички процес, бидејќи тоа значи директна штета врз јавноста и граѓаните на Република Македонија, се вели во соопштението на Советот за етика во медиумите.