Трамп ги претстави приоритетите

Новоизбраниот американски претседател Доналд Трамп ги претстави приоритетите на неговата администрација. Најамбициозниот потег е повлекувањето од трговскиот договор познат како „Транспацифичко партнерство“.

„Агендата се состои од едноставни принципи кои ја ставаат Америка на прво место. Сакам идната генерација во производството и иновациите да се случи токму овде, во нашата голема татковина, во Америка, за да му обезбеди богатство и работни места на американскиот работник“, изјави Трамп.

Најавен е и сеопфатен план за одбрана на Америка, вклучувајќи ги и кибер-нападите, проверка на системот за издавање на визи, забрана за лобирање од страна на претставниците на власта откако ќе си заминат од администрацијата и враќање на средната класа.