Закана за безбедноста во Москва

Само три дена пред зимската Олимпијада во Сочи, уште една закана по безбедноста. Заложничка драма во московско училиште со смртоносни последици за еден наставник и полицаец. Силите на безбедноста го го уапсија  средношколецот Сергеј Гордеев кој го усмртил својот професор по географија бидејќи  не добил петка. Кога почнала полициската акција  пукал  и  во двајца полицајци од кои едниот починал на пат кон болницата. „Мора да ја научиме лекцијата. Да ги испитаме причините за овој настан и да превземеме мерки за поголема безбедност во Москва“, Сергеј Собјанин градоначалник на Москва

Париз

Демонстрации во Париз. Со мотото „семејството е основна вредност на општеството“, повеќе десетици илјади луѓе протестираа против истополовите бракови и против новиот закон со кој се намалуваат рестрикциите за абортус и геј бракови. Толпата го обвини претседателот Оланд дека има фобија од семејства. 

Грција

Најмалку 16- мина се полесно повредени по земјотресот со јачина од 5,7 и 6,1 степени по Рихтер во  западниот дел на грчкиот остров Кефалонија. Разурнати се голем број домови и патишта, а во некои делови прекинато  е снабдувањето со електрична енергија и вода. Сеизмолозите не ја исклучуваат можноста од уште потреси.

Словенија

Словенија окована во мраз. Речиси четвртина од граѓаните во земјата се без електрична енергија. на патиштата има паднати стебла  и електрични столбови поради што голем број области се отсечени од светот.  Повеќе училишта и градинки се затворени, а има прекин во железничкиот и во патниот сообраќај во љубљана. метеоролозите предупредуваат дека ниската температура ќе се задржат.