Нов студен бран во САД

Две лица загинаа во новиот студен бран што ги погоди источните делови на САД, поради што се затворени училиштата и илјадниците летови се откажани.

Според податоците на американската национална служба, снежната покривка во Филаделфија и Њујорк би можела да достигне 20 сантиметри.

Иако според прогнозите снегот се очекува да престане да паѓа, метеоролозите велат дека областа повторно ќе биде погодена од леден дожд и снег до вечерните часови.

Минатата недела во невремето што го погоди јужниот дел на САД загинаа најмалку 14 лица во сообраќајни несреќи, иако висината на снегот едвај достигна 5 сантиметри.