Димовски: Кривични пријави против Митревски и директорот на Централниот регистар
Обвинуваат дека за да не се изврши промена на овластено лице по одлуката на Советот за отповикување на Митревски, пред Централниот регистар поранешниот прв човек на ССМ...
Сојузот на синдикати поднел кривична пријава против Живко Митревски, две лица вработени во Централниот регистар и в.д. директорот на институцијата- со соопштение реагира в.д. претседателот Дарко Димовски.
Обвинуваат дека за да не се изврши промена на овластено лице по одлуката на Советот за отповикување на Митревски, пред Централниот регистар поранешниот прв човек на ССМ, наводно поднел лажна кривична пријава против лица од Синдикатот и од Министерството за труд и социјала.
Со таквите дејствија, се вели во дописот, ги поттикнал директорот и регистраторите да не ја вршат службената должност, да не постапат по решението од Министерството од 14-ти ноември годинава.