Михајлова и Бајлозова - в.д. претседатели на Кривичен и Врховен суд
Изборот на редовен претседател на овие два суда ќе се врши по завршувањето на вонредните парламентарни избори.
Татјана Михајлова и Снежана Бајлoзова се новите вршители на должност- претседатели на Кривичниот и на Врховниот суд во Скопје- одлучи Судскиот совет на денешната седница.
Мандатот на двајцата досегашни претседатели Владимир Панчевски и Лидија Неделкова истекува неделава, па претседателот на Судскиот совет, Зоран Караџовски истакна дека поради насоките од Антикорупциската комисија да не се назначуваат избори на претседатели во текот на изборна кампања, поставени се в.д. претседатели.
Изборот на редовен претседател на овие два суда ќе се врши по завршувањето на вонредните парламентарни избори.
Кандидати за претседател на Основниот суд Скопје 1 – Скопје се досегашниот претседател на Судот Владимир Панчевски и судиите Иван Џолев и Владимир Туфегџиќ, а кандидати за претседател на Врховниот суд се досегашната претседателка Лидија Неделкова и судиите Јово Вангеловски, Снежана Бајлозова и Беса Адеми.