ЕЛЕМ бара инвеститор за ски- центар на Водно

АД Електрани на Македонија (ЕЛЕМ) објави тендер за избор на приватен инвеститор за изградба на 4 ски патеки, на 3 ски лифта и на 2 подвижни тепиха на скопско Водно.

Највисоката точка на идниот ски- центар е со надморска височина од илјада и 50 метри, а најниската на 570.

Со проектот се предвидува јавно- приватно партнерство меѓу ЕЛЕМ  и идниот концесионер.

Ќе бидат поставени и машини за вештачки снег што треба да ја продолжи скијачката сезона за Скопјани.