Штајнмаер: Колку што е можно побрзо да се формира влада

Текот на изборите беше во ред, како што слушнавме ние. Сега е важно, колку што е можно побрзо да се формира влада и да се вратат стабилните прилики во Македонија, изјави вчера шефот на германската дипломатија, Франк Валтер Штајнмаер, по средбата со шефот на хрватската дипломатија.

Штиер и Штајнмаер разговарале и за Србија, и за потребата, и оваа земја и сите други во регионот да ги продолжат европските интеграции, а земјите коишто ги исполнуваат своите обврски да видат дека напорите се исплатуваат.

Според Штајнмаер, потребно е да се задржи моментумот на проширувањето на Западниот Балкан.