Истекува рокот за избор на „Најдобар млад научник“ за 2016-та година

Од Кабинетот на претседателот Иванов потсетуваат дека на крајот на месецов истекува рокот за аплицирање на јавниот повик за избор на „Најдобар млад научник“. Оттаму велат дека можат да се пријават сите млади луѓе до 30 години, кои во досегашната научна работа имаат постигнато значајни научни резултати.

Услов за конкурирање е заинтересираните да имаат добиено награда или признание за научно-истражувачка работа, а резултатите од научно-истражувачката работа да се објавени и да имаат применетост.

Ова е седма година по ред како се доделува признанието „Најдобар млад научник“,  на иницијатива на претседателот Иванов.