Чикаго смрзна, ветераните имаа своја вечер

 

Екипата од Чикаго потсеќа на пост Џордан ерата, кога беше оставена на милост и на немилост, на сите што имаа кошмари од златната генерација на 90-тите години. Овој пат со Булс се иживуваше Демаркус Казинс, со 25 поени и со 16 скокови, предводејќи ги Сакраменто Кингс до победа со резултат 99:70.

 

Кевин Дјурант се врати на учинокот со повеќе од 30 поени по натпревар, постигна 31 во триумфот на Оклахома Сити против Денвер Нагетс, 86:77. Леброн Џејмс остана на два скока до трипл дабл во победата на Мајами против Детроит, 102:96. Кралот имаше 24 поени, 11 асистенции и 8 скокови.

 

Кармело Ентони постигна 36 поени, Смит додаде 30 кои што не беа доволни за Њујорк, во поразот кај Милвоки, 101:98. Тони Паркер со 32 поена беше најзаслужен за победата на Сан Антонио против Њу Орлеанс, 102:95, а Пол Пирс со 25 поени за триумфот на Бруклин против Филаделфија, 108:102.