ДИК: Ќе се прегласува на избирачкото место 2011 во Теарце
В недела на избирачкото место 2011 во општина Теарце прегласување. Според симулацијата што ја направи Државната изборна комисија ова може да влијае врз бројот на мандатите освоени од политичките партии на изборите на 11-ти декември.
Државната изборна комисија донесе одлука да се повтори гласањето на избирачкото место 2011 во општина Теарце, откако ИТ секторот на Комисијата направил симулација дека тоа може да влијае на резултатот, односно бројот на освоени мандати на партиите во Изборната единица 6 на парламентарните избори што се одржаа на 11-ти декември.
Одлуката на ДИК, е донесена врз основа на член 151, став 3 од Изборниот законик гласањето да се повтори доколку тоа може да влијае на крајниот резултат, но и врз основа на вчерашната одлука на Управниот суд да ја прифати тужбата на Коалицијата предводена од СДСМ и да донесе решение за поништување на гласањето на ова избирачко место.
Прегласувањето ќе се врши на 25-ти декември 2016-та година.