Јапонскиот премиер Абе во историска посета на Перл Харбур

Јапонскиот премиер Шинзо Абе, пристигна на Хаваите, во историска посета на американската поморска база Перл Харбур, што Јапонската империјална авијација ја нападна на 7 декември 1941 година.

Абе ќе им одаде почит на загинатите во текот на нападот, но нема и да се извини. Во нападот пред 75 години, беа убиени 2.300 американски морнари, воен персонал и цивили, а нападот беше повод САД да влезат во втората светска војна на страната на антихитлеровската коалиција.