Палестина ќе ги обнови преговорите со Израел ако запре изградбата на еврејските населби

Палестинскиот претседател Махмуд Абас е подготвен за обновување на мировните преговори со Израел, ако се стопира изградбата на еврејските населби. За американскиот државен секретар Џон Кери, доселеничката политика на Ерусалим е закана за одлуката за формирање две држави, единствениот начин со кој може да се донесе мир.

Претходно израелскиот премиер Бенјамин Нетанјаху упати критика до говорот на Кери и го означи како антиизраелски и пристрасен. А францускиот министер за надворешни работи Жан Марк Еро го поздрави и го означи како храбар.