Поголема правда при изрекување казни

Во Собранието вчера се изгласани измените на кривичниот законик, со кои се изедначуваат казните. Според нив, ќе има исти казни за исти кривични дела и однапред ќе се знае, колкава е казната за одредено кривично дело. Опозицијата смета дека со ова директно се повредува Уставот, и дека Претседателот на Врховниот суд нема законска основа за предлагање и донесување правилник за казни. Измените на Кривичниот Законик претходно ги најави премиерот Груевски, навестувајќи дека со нив ќе се исправат неправдите и огромниот дебаланс при донесување различни казни за исти кривични дела.