Кина, Доналд Трамп и Брегзит- главни теми на Светскиот економски форум во Давос

Кина, Доналд Трамп и Брегзит ќе бидат главните теми на светскиот економски форум во Давос кој се одржува до 20 јануари. На средбите ќе учествуваат над 3.000 претставници од политичката и бизнис елитата.

Основачот на форумот Клаус Шваб го поздрави присуството на кинескиот претседател Кси Џинпинг, кој е и првиот шеф на кинеската држава што учествува на самитот во Давос.

Шваб апелираше до сите земји да ги надминат актуелните несогласувања и да се фокусираат на позитивните чекори за иднината на светот кој се соочува со технолошки, економски, социјални и политички промени.