Последни подготовки за Богојавление- Водици
Во тек се последните подготовки за прославата на големиот верски празник Богојавление. Министерството за внатрешни работи ќе воведе посебен сообраќаен режим. На два дена пред Водици, во Македонската православна црква – Охридска Архиепископија се пријавуваат луѓе кои ќе скокаат по светиот крст.
Минусните температури и снегот не ги предомислија верниците да учествуваат во прославата за Богојавление- Водици. Интересот и годинава е огромен. Досега околу 100- тина граѓани се пријавиле за да скокаат по осветениот крст во водите на Вардар во центарот на Скопје. Тие веруваат дека крстот ќе им донесе здравје и среќа во целата година.
Од МПЦ- Охридска Архиепископија очекуваат верниците и годинава масовно да ја проследат вековната традиција. Пријавувањето завршува в среда.
Се верува дека со Водици завршуваат нечистите, некрстени денови. Се празнува два дена.
Викторија Милевска