Нова ротација на словачки полицајци на Меџитлија

Нова група од 25 припадници на полицијата на Република Словачка денска пристигнуваат во Македонија. Ќе бидат распоредени во областа на Битола и Меџитлија на македонско-грчката граница.

Словачките полицајци, врз основа на меморандумот за разбирање меѓу министерствата за внатрешни работи на Република Словачка и на Република Македонија, спроведуваат заеднички патролни активности со македонските колеги на државната граница за превенција при неовластено преминување.

Полицајците ќе бидат соодветно опремени со теренски моторни возила, термални камери и со уреди за ноќно гледање. Мандатот на словачката полициска мисија ќе биде 30 дена, со можност за продолжување.

Словачка во 2016-та година има испратено вкупно 125 полициски службеници што, како што наведуваат во соопштението од Словачката амбасада во Македонија, е најголем придонес по жител од осумте странски држави што учествуваат во заедничките операции во Македонија.