Сообраќајот во зимски услови, магла кај Велес, Катланово и Тетово

Сообраќајот на државните патишта се одвива во зимски услови по наместа влажни коловози. Магла има на патиштата кај Велес, Катланово и кај Тетово. Видливоста е од 50 до 100 метри.

Треба да се внимава при возењето, и да се почитува поставената сообраќајна сигнализација, препорачуваат од Авто-мото сојузот на Македонија.

Нема застој во авиосообраќајот на аеродромот „Александар Велики“.

Снег со слаб интензитет има во западните делови од земјава и во македонската житница Пелагонија. Во клисурите и засеците можна е почеста  појава на одрони.