Италијанските спасувачи пронајдоа уште едно безживотно тело во хотелот затрупан од лавина

Италијанските спасувачи пронајдоа уште едно безживотно тело на засега неидентификуван маж во хотелот „Ригопјано“ кој беше затрупан и уништен од лавина предизвикана од земјотрес. Засега се потврдени 18 смртни случаи, а 11 лица се водат за исчезнати.

Локалните медиуми информираат дека гостите останале заробени во хотелот бидејќи екипите нашле спакувани куфери во објектот.

На интернет се појави и електронска порака која управата на хотелот им ја испратила на властите барајќи помош, само неколку часа пред катастрофата.