Виена: Осуммина приведени поради можни врски со ИД

Австриската полиција привела осум лица во текот на рациите спроведени во Виена и во Грац во рамките на истрагата за можните врски со екстремистичката Исламска држава.

Извршен е претрес на повеќе станови, а во Грац бил извршен претрес и во една џамија. Во акциите учествувале 800 полицајци.

Австриското министерство за внатрешни работи одби да даде повеќе информации за акцијата која е во тек.