Поранешен јавен правобранител загина кај Стоби

Велешанецот, Никола Димов,  поранешен  Јавен правобранител,  изутрината загина во сообраќајната несреќа која се случи на автопатот Неготино - Велес, кај месноста Летиште, во непосредна близина на археолошкиот локалитет Стоби.

Случаен минувач ја информирал  полицијата за несреќата.  Јавен обвинител  и полицијата направија увид.

СВР Велес излезе со соопштение во кое се вели дека сеуште  се непознати причините поради кои  Димов изгубил контрола над автомобилот, излетал од коловозот и се превртел со возилото во кое немало сопатник.

Димов беше семеен човек. Долги години работеше како  Јавен правобранител за Велес и Неготино, откако беше разрешен, тој  работеше како адвокат.

Дијана Иванова