Екстерно тестирање на матурантите од понеделник

Матурантите ги добија предметите по кои ќе бидат екстерно оценувани. Распоредите од денес се објавени на огласните табли во сите училишта.

В понеделник почнува тестирањето, а со него се опфатени околу 18.000 ученици од завршните години. Оценувањето ќе се спроведе од 30-ти јануари до 3-ти февруари, а резултатите ќе бидат објвени четири дена покасно.

Претходно од Државниот испитен центар соопштија дека се целосно подготвени да го спроведат процесот без никакви проблеми.