15 милиони денари за атмосферска канализација во Виница

Во програмата за годинава во Општина Виница се планирани за реализација повеќе комунални зафати. Општината ќе гради атмосферска канализација, со што ќе се реши проблемот на граѓаните посебно од улиците во централното градско подрачје,бидејки при поројни дождови тоа редовно се поплавува.
 

Изградбата на нова атмосферска канализација во Виница ќе чини 15 милиони денари, а градежните работи ќе се одвиваат на двете најзначајни собирни улици во градот,по што атмосферската вода ќе биде насочена кон Градечка река.