Разрешена министерка за правда на САД- нема да ја брани одлуката на Трамп за мигрантите

Американскиот претседател Доналд Трамп ја отпушти привремената министерка за правда Сели Јејтс зашто не ја поддржи одлуката за ограничување на влезот на мигрантите од земјите со муслиманско мнозинско население.

По лавината критики и протести, државните обвинители на 15 сојузни американски држави најавија тужба против него зашто уредбата била незаконска и надвор од американскиот дух. За разлика од нив, поддржувачите на Трамп целосно ја оправдуваат поради зголемената закана од тероризмот.

„Не е совршена, но е одличен чекор за она што е неопходно да се преземе. Не сакам Америка да стигне до точка каде што политичката коректност се користи за да не уништи“, изјави Вито Глејзерс.

„Со години не сум се чувствувала безбедно. Гласав за Трамп токму поради политката за имигрантите“, изјави Дорина Дисесио.

Трамп тврди дека уредбата е усвоена исклучиво од безбедносни причини и потсети дека и неговиот претходник Барак Обама издал забрана за шестмесечно издавање визи за бегалците од Ирак во 2011 година.