Птичји грип: Се уништува живината во струшко Мороишта
Селото е изолирано, полицијата дозволува влез само за жителите, а на излез се вршат проверки дали некој изнесува живина. Екипи на Агенцијата за храна и ветеринарство вчера извршиле попис на целата живина во 105 домаќинства, а утре ќе се врши целосна дезинфенција. Се врши мониторинг и во околните села.
Поради регистрираниот случај на птичји грип во струшко Мороишта, во селото ќе бидат убиени и отстранети околу 3 илјади единки живина. Сопствениците ќе бидат обесштетени од државата. Селото е изолирано, полицијата дозволува влез само за жителите, а на излез се вршат проверки дали некој изнесува живина.
Екипи на Агенцијата за храна и ветеринарство вчера извршиле попис на целата живина во 105 домаќинства, а утре ќе се врши целосна дезинфенција. Се врши мониторинг и во околните села.
Моментално има прогласено зони од 3 и од 10 километри, велат надлежните. Секаде каде што ќе се утврди присуство на вирусот, ќе бидат спроведени мерките на нештетно убивање и отстранување на живината, велат од Државната инспекција за здравствена заштита на животните.