Претседателот Иванов ги почна консултациите со надлежните институции

Консултации на претседателот, Ѓорге Иванов со првиот човек на Уставниот суд, Никола Ивановски за уставните одредби чија содржина е поврзана со доделувањето мандат за составување нова влада. Шефот на државата рекол дека ќе постапува во согласност со уставните одредби и исклучиво во интерес на државата и на граѓаните на Република Македонија.

Во меѓувреме, продолжуваат повиците за одредување на понатамошниот тек на политичката состојба. Либерално- демократската партија, која е дел од коалицијата на СДСМ, со став дека тој што сега треба да формира влада е првиот човек на Социјал-демократите Зоран Заев.

Се огласи и БЕСА. ДУИ нема капацитет да донесе каква било одлука, поради тоа што е во морална и политичка криза. Принципот „победникот формира влада со победникот“ им беше само алиби за споделување на власта на ВМРО-ДПМНЕ, а ДУИ не го почитуваше заедничкото залагање на Албанците со тоа што ги отпочна преговорите со оваа партија- се вели во партиското соопштение.

Социјалистичката партија пак иницира изработка на сеопфатна платформа за одбрана на виталните интереси и ги повика сите партии да се вклучат во изготвувањето.

Нова порака и од претставник на меѓународната заедница- британскиот амбасадор во земјава, Чарлс Гарет изјави дека партиите треба да работат на составување влада и да се спроведат реформите.

Вчера, кај претседателот Иванов на разговор за актуелната политичка состојба беше и евроамбасадорот Самуел Жбогар.

Во неделата на полноќ истече рокот што го имаше мандатарот, Никола Груевски да обезбеди парламенарно мнозинство и да состави влада. Не се постигна договор со ДУИ. Заев побара можноста да му се довери нему.

Миле Ристески