Рекс Тилерсон и официјално стана Државен секретар на САД

На церемонија во Белата куќа заклетва на функцијата Државен секретар положи Рекс Тилерсон, а на неа присуствуваше и претседателот Доналд Трамп кој рече дека Тилерсон е човек почитуван во целиот свет.

Американскиот Сенат ја одобри кандидатурата на Тилерсон за прв американски дипломат со 56 гласа „за“, наспроти 43 гласа „против“.

За поранешниот шеф на нафтениот гигант „Ексон Мобил“ гласаа сите Републиканци, тројца Демократи и еден независен сенатор.

Во својот одговор Тилерсон му заблагодари на претседателот за укажаната доверба и истакна дека секогаш ќе ги претставува интересите на целиот американски народ.