Променливо облачно, попладне дожд

Во текот на денот ќе преовладува променливо облачно време со сончеви периоди и со засилен југоисточен ветер. Попладне и во текот на ноќта кон вторник, под влијание на краткотраен, но интензивен влажен бран ќе има врнежи од дожд, информираат од УХМР.

Највисоката температура ќе се движи во интервалот од 9 до 17 степени. Утре времето ќе биде претежно облачно со врнежи од дожд, на планините и на некои повисоки места со врнежи од снег.

Од вторник попладне ќе преовладува променливо облачно и посвежо време.