Од јули директен лет Скопје- Доха

Директен лет од Скопје до Доха. Од јули „Катар Ервејс“ ќе ја поврзе Македонија со Блискиот Исток. Авиокомпанијата ги почнала процедурите за обезбедување на потребните дозволи- информираат од Министерството за транспорт и врски.

ТАВ Македонија преговара и со германската нискобуџетска компанија „Еуровингс“ за нови авиолинии кон Минхен и Дизелдорф. Целта е проширување на мрежата авиолоинии од македонските аеродорми и нови конекции кон европските метрополи.

Во 2016-та во државава влезе и европскиот тур оператор „Томас Кук“ преку кој отпочнаа летовите на рутата Брисел- Охрид, и чартерите од Охрид кон Белград и Тел Авив.

Расте и бројот на патници. Услугите ги користеле речиси 1,8 милиони патници. Бројот на летови лани бил зголеме за скоро 9 проценти.