Бесплатни технички проекти за откупни центри
За заинтересираните земјоделци и задругари достапни се бесплатни типски технички проекти за изградба на откупно- дистрибутивни центри. Центрите се наменски, исклучиво за трговија со овошни и со градинарски производи кои ќе можат да се зголемуваат и да се приспособуваат според потребите на земјоделците.
Овоштарите и градинарите можат да добијат бесплатно техничка документација за модерен откупно- дистрибутивен центар за свежо овошје и зеленчук.
Откупниот центар ќе може да се надградува и приспособува во зависност од потребите на земјоделците или нивните задруги.
Основниот проект предвидува објект со големина од 1.000 квадратни метри со две комори за ладење до 150 тони овошје или зеленчук. Во него се предвидени дел за прием, складирање и за пакување на земјоделските производи.
Техничкиот проект е бесплатен за сите кои се заинтересирани да инвестираат во ваков центар.
За изградба на овие капацитети може да се конкурира и за неповретни средства од ИПАРД во висина од 50 проценти. Досега една земјоделска задруга веќе ја има подигнато докуметацијата.
Методија Трајков