Шкотскиот парламент симболично гласаше против планот за Брегзит

Шкотскиот парламент гласаше против планот на британската премиерка Тереза Меј за излез од ЕУ.

Тоа е симболичен, незадолжителен глас, кој ја нагласува поделеноста меѓу четирите нации на Обединетото Кралство на прашањето за Брегзит.

На ланскиот референдум, Англија и Велс решија да ја напуштат Европската Унија за разлика од Шкотска и Северна Ирска каде што повеќето граѓани беа против.