Завршува откупот на тутунот
При крај е откупот на тутунот. Откупени се преку 21.000 тони, а остануваат уште неполни 1.000 тони кои треба да се преземат од ланската реколта. Просечната цена е 196 денари. Родот квалитетен, откупувачите веќе имаат обезбедено пласман за македонскиот тутун.
Завршува откупот на тутунот во земјава. Главнината на реколтата, преку 21 000 тони, веќе ја презедоа девете откупувачи со просечна цена од 196 денари. Остануваат неполни илјада тони, тутутнарите да го предадат на вагите. Реколтата квалитетна, производителите, главно задоволни.
Задоволни се и откупувачите. Тие предвреме имаат обезбедено пласман за македонскиот тутун. Исплатата се одвива непречно.
Од понеделник ќе се затвораат пунктовите. Но, тутунарите ќе имаат на располагање ваги кај откупувачите кои ќе го проценат заостанатиот тутун. Законскиот рок за завршување на кампањата е 15-ти март.
Елизабета Митреска