Пари за брак во Лозово

По Свети Николе и општина Лозово финансиски ќе ги стимулира ергените и девојките во поодминати години да основаат брачна заедница. Дваесет илјади денари, толку локалната власт ќе им исплати на стотината ергени и осумте девојки .

„Со оваа одлука се очекива да се зголеми  наталитетот во општината, кој е во опаѓање“, рече Орце Цветковски, градоначалник на општина Лозово.

Во обидот да се зголеми бројот на  браќни заедници, локалната самоуправа има подршка и од приватниот сектор.

„Директор на компанија ќе им понуди можност за вработување на оние лица кои ќе одлучат да стапат во брак“, рече Цветковски.

Цветковски , откриова дека секое семејство од оваа компанија  ќе  добие по 50 илјади денари за опремување на домашна бања, и ќе ги подмирела  медицинските трошоци на идните мајки до породувањето .

За жителите на Лозово ова е интересна понуда, но сигурни де дека ако имаат ергените и момите сигурна работа нема да има потреба од вакви стимулации.

Добра одлука ама требало да имаат младите постојана  работа, сметаат граѓаните.

Лозово е општина со 2.858 жители , во изминатите години  наталитетот нагло опаѓаше. Тој тренд е прекинат со носењето на девојки од Албанија. Сега со оваа мерка Цветковски очекува   дека за шест години сега празните училишни дворови ќе бидат полни со дечиња.

Дијана Иванова