Србија отвори две нови поглавја за влез во ЕУ

Србија во Брисел ги отвори поглавјата 20 и 26. Поглавјето 20 го опфаќа претприемаштвото и индустриската политика, а Поглавјето 26 се однесува за културата и образованието и тоа веднаш е затворено. Ова поглавје досега беше блокирано заради замерките од Хрватска и од Бугарија на учебниците за малцинствата во Србија. 

„ЕУ интеграциите ве приморуваат, онаму каде сте били мрзеливи, да покажете резултат.Тоа не е лошо за нас, бидејќи, ние ова не го правиме заради Брисел, нас никој не не тера, туку ова го правиме пред се-заради себе“, изјави Јадранка Јоксимовиќ-Министер за европски интеграции.

Според Јосимовиќ Србија технички е подготвена за отварање на уште 7 поглавја, што зависи од политичката желба и околностите во самата ЕУ. Од 2015 год. досега Србија отвори осум и привремено затвори две, од вкупно 35 поглавја.Токму 35-то поглавје-кое се однесува на напредокот во примената на доворот во дијалогот меѓу Белград и Приштина е мерило и услов за отварањето на секое ново поглавје за напредокот на Србија во евроинтеграциите.

За Косово денеска ќе расправа и Советот за безбедност по извештајот на генералниот секретар на ОН-Антонио Гутереш за застојот во дијалогот меѓу Белград и Приштина, на кој ќе присуствува и претседателот Томислав Николиќ.

Оливер Бранковиќ, постојан дописник од Белград за МРТ