Ретки болести: Да се истражува и да се едуцира
Денеска, 28-ми февруари е Светски ден за борба против ретките болести. Светот малку знае, а во Македонија уште потешко е да се препознаат и соодветно да се лекуваат. Годинашнава кампања е посветена на истражувањата. Потребна им е едукација на средината, но и на лекарите за успешно да се дијагностицираат ретките болести, велат од здруженијата.
46- годишната прилепчанка Јасмина Стојковска 15-ина години знае дека има ретка болест - Акромегалија. Нарушена е работата на хормонот за раст и несразмерно влијае на растот на коските, органите, на ткивото. Но, не знае од кога била болна. Вели, нејзина среќа е што и е дијагностицирана во Словенија, а во Белград се оперирала. Со години била третирана од тироидната жлезда. Тешко се стигнува и до лекови.
Малку се знае за нив и неопходна е едукација на средината, но и на лекарите за да може да јапрепознаат и соодветно да ја третираат болеста.
„Помош од лекарите пред се, но наше видување е дека е потребно и средината да се запознае со овие ретки болести, тоа не е ништо страшно, не треба да се стигматизираат ваквите лица, бидејќи нив потребна им е помош од околината“, вели Билјана Мирческа, невладино здружение СЛАП.
И цел свет малку знае за нив. На светскиот ден 28-ми февруари за борба против ретките болести кампањата е посветена на истражувањата.
Елизабета Митреска