Над 20 илјади пензионери се пријавиле за бесплатна бања и викенд
Над 20 илјади пензионери се пријавиле за бесплатна бањско- климатска рекреација и за бесплатен викенд. Можат да користат на една од двете услуги. Неделава, меѓуресорска комисија ќе го прави рангирањето и ќе одлучува по поднесените барања...
Пензионерите се најзаинтересирани за на бања. Годинава околу 14 илјади поднеле барање за бањско- климатска рекреација. Над 2.000 сакаат да искористат бесплатен туристички викенд и околу 3.000 аплицирале за една од двете услуги. Според претседателот на Сојузот на здруженијата на пензионери, Аргировски овие два проекта им овозможуваат да се социјализираат и да воспостават нови пријателства.
Меѓуресорска комисија неделава ќе почне со разгледувањето на апликациите. Рангирањето се врши истовремено за поднесени барања за користење на двете услуги, вели ресорниот министер.
Од почетокот на проектот за бањско-климатска рекреација во 2010-та година, услугата ја искористиле 37.193 пензионери. На бесплатен викенд во 2015-та година биле 4.740 пензионери.
Ана Јосифоска- Тодоровска