Tри милиони евра за рамномерен регионален развој во 2017 година
Владата продолжува да ја имплементира политиката за рамномерен регионален развој со која се придонесува за развој на осумте плански региони во Македонија. Планирани се 3 милиони евра за 60 проекти за поголем раст на локалната економија, создавање нови работни места, подобрување на условите за образование како и обезбедување на поголем животен стандард.
Три милиони евра од државната каса како помош за развој на осумте плански региони во земјава. Предвидена е реализација на 60 проекти. Најмногу пари ќе добијат најнеразвиените области за изградба на патишта, водоводи и уредување на населени места. Со 225 илјади евра ќе се градат патните правци меѓу Чанаклија и Нова Маала, Муртино и Еднокуќево. Во Демир Хисар ќе се обновува регионалниот зелен пазар, инвестиција од 100.000 евра.
Дополнително финансиски ќе се поддржат проекти за развој на локалниот туризам и селата, реконструкција на домови на културата, заштита на животната средина, локални патишта.
Програмата за рамномерен регионален развој се спроведува од 2009-та година, а до сега се поддржани 500 поединечни проекти за што Владата издвоила 14 милиони евра.
Викторија Милевска