Поголема заштита на извозот од лажните декларации
Зачестеното фалсификување на македонските извозни документи ги натера надлежните власти да обезбедат поголема заштита на сертификатите. Ќе се изготват нови декларации кои ќе треба да се применуваат од втората половина од годинава.
Од први јуни трговците, производителите и откупувачите ќе добиваат нови извозни сертификати. Досегашните беа често фалсификувани од странски трговци преставувајќи ги нивните земјоделски производи како македонски.
Лани биле откриени 64 злоупотреби на фитосанитарни сертификати со кои е направен обид за продажба на производи на рускиот пазар кој не потекнуваат од Македонија, а за Белорусија скоро двојно повеѓе односно спречени се 117 обиди за извоз на лажни македонски производи со потекло од други земји.
Со новите документи треба да се постигне поголема заштита на домашното растително производство а се потврдуваат и квалитетот и потеклото на производите при извоз и реекспорт.
Минатата година, биле издадени 24.000 сертификати, од кои 20.000 за извоз и 4.000 за реекспорт, за вкупно 360.000 тони разни земјоделски производи, и за 6.600 кубни метри дрвен материјал.
Методија Трајков