Нови цени: Бензинот поскап за половина, дизелот за 1,5 денари
Еуросупер 95 се продава за 67 денари, 98-цата за 69 денари. Новата цена на дизелот е повисока за 1,5 денари, и изнесува 54 денари...
Нови цени на нафртените деривати. Бензините од денес се поскапи за половина денар. Еуросупер 95 се продава за 67 денари, 98-цата за 69 денари. Новата цена на дизелот е повисока за 1,5 денари, и изнесува 54 денари. Екстра лесното масло за домаќинство се продава за 42,5 денари за литар, а малопродажната цена на мазутот изнесува 28,292 денари за килограм.
Со вчерашната одлука на Регуаторната комисија за енергетика се изврши зголемување на рафинериските и на малопродажните цени на нафтените деривати во просек за 2,58, односно за 2,25 отсто.
Како причина за зголемувањето на малопродажните цени на нафтените деривати од РКЕ ги посочуваат за 0,76 отсто повисоката просечна цена на суровата нафта на светскиот пазар во изминатите 14 дена и за 1,87 отсто повисокиот курс на доларот во однос на денарот.