Премиера на „Венецијанскиот трговец“ во Драмски театар

Претставата „Венецијански трговец“ од Вилијам Шекспир вечерва премирено ќе биде прикажана во Драмскиот театар во Скопје. Режијата е на Наташа Поплавска. Претставата е дело создадено од три приказни.

Траги-комедијата на Шекспир е создадена пред 400 години, но според режисерката таа е секогаш актуелно. Во актерската екипа се вмрежуваат занаетот, искуството со талентот на младешката енергија. 

Во претставата покрај бардовите на македонското глумиште Јовица Михајлобски, Диме Илиев и Анастас Тановски, настапуваат и младите актерски надежи на Драмскиот театар актерите Стефан Вујисиќ, Дамјан Цветановски, Златко Митрески, Григор Јовановски, Сергеј Димоски, Јаков Спасов и Марко Илиќ, како и гостинот од Прилепскиот театар Зоран Ивановски. Единствениот женски лик го толкува Јана Стојановска.