Нелегалниот лов на дивечот драстично намален
Со издавањето на ловиштата под концесија се проценува дека нелегалниот лов на дивечот драстично е намален. На овој бизнис сега се гледа како на високопрофитна стопанска гранка, а македонија станува позната дестинација на светската карта за ловниот туризам.
Дивокозите, дивите свињи, елените, муфлоните и еребиците стануваат препознатливи за македонските ловишта.
Со издавањето на ловиштата под концесија во последните години расте и бројот на дивечот до целосно пополнување на капацитетите.
Според експертите нелегалниот лов е драстично намален поради поголемата совесност и навиките кај ловџиите, високите казни и поголемото присуство на ловочуварските служби формирани од концесионерите.
Во Македонија сите високопланински и ридско планински терени се ловишта за крупен,а рамничарските за ситен дивеч.
Постојат 206 ловишта кои се дадени под концесија, а за 10 поради непочитување на обврските од договорот се води постапка за одземање на стопанисувањето од сегашните концесионери.
Методија Трајков