ВМРО-ДПМНЕ: СДСМ да се откаже од платформата од Тирана
Доколку СДСМ се откаже од Тиранската платформа и реализацијата на елементите содржани во неа, ќе им дадат поддршка на СДСМ и на Зоран Заев да формираат влада.
Ниту СДСМ, ниту Зоран Заев не излегуваат со одбивање на Тиранската платформа и подготвени се да предводат влада базирана на темели на платформа формирана во странска држава, под диктат на странски премиер, велат од ВМРО-ДПМНЕ.
Остануваат на својата принципиелна понуда. Доколку СДСМ се откаже од Тиранската платформа и реализацијата на елементите содржани во неа, ќе им дадат поддршка на СДСМ и на Зоран Заев да формираат влада.
ВМРО-ДПМНЕ сѐ уште стои на позицијата дека предвремени парламентарни избори заедно со локалните се решение од кризата, бидејќи граѓаните тогаш ќе може јасно да одлучат дали поддржуваат Тиранска платформа и елементи содржани во неа.
Впрочем, токму изборите се најдобрата дебата за прашања од национален и државен интерес, стои во соопштението од ВМРО-ДПМНЕ.