Филигранството како занает

Го искористи семејниот бизнис на својот татко, кој рачно производува печки  за топење  злато и сребро. Катарина  четврта година  професионално  се занимава со филигранство.Од  утро до вечер, вредните раце  го оформуваат секое парче сребро  во убав филигран. Во печките го топи среброто  и почнува со изработката .Најомилени  и се обетките .

 -Бев во контакт со луѓе што изработуваат накит и барав начин да ги реализирам моите идеи. За изработка на накитот, ја одбрав филихгранската техника бидејќи целиот процес се работи рачно , со сребрената жица може да ги реализирате сите идеи . - Катарина Дода  производител на филигрански накит

Не  е лесно да се изработи посакуваниот накит , но љубовта кон овој речиси најстар занает од ден на ден е се поголема, вели 36 годишната Катарина.

-Почнав со филигранот ,не беше нималку лесно.Сега кога ќе погледнам наназад за овие четири години многу фестивали ширум светот ,мојот накит го има насекаде . - Катарина Дода  производител на филигрански накит

Курсот во  Занаетчиската комора  бил првиот чекор на сега  веќе препознатливото име. Катарина  со изработките од филигрански  накит  е гостин на неколку фестивали ,најпознатиот Санта фе во Америка .Нејзиниот сон е да отвори центар за филигранство за да го пренесе знаењето   но и за да се зачува традицијата ... ..

Дијана Ценевска

Сним.Ѓорѓи Трпески