ЕУ награди невладини организации кои работат на подобрување на животот на Ромската заедница

Со цел да се зајакне улогата на ромите во граѓанското општество, подобрување на социјалната инклузија и учество во политичките текови, Европската комисија ги додели наградите на неколку ромски организации кои посветено и напорно работеа на своите проекти за подобрување на животот на ромската заедница во целиот Западен Балкан. Од Република Македонија, Ромскиот ресурсен центар и Регионалната Ромска образовна младинска организација се добитници на наградите од  Европската комисија.

„Потенцијалот на ромската заедница во политичкиот и општествениот живот не е доволно искористен, иако видовме дека има доста потенцијал. Посебно во социјалната сфера имаме проекти кои можат да ја промовираат интеграцијата и инклузијата на Ромите во општеството“, вели Мустафа Јакупов, Регионална Ромска образовна младинска организација.

„Улогата на Ромите во делот на преговорите на проширувањето на ЕУ е навистина значаен, и токму затоа ЕУ става акцент на образованието на ромите како приоритет и воопшто на целата состојба на ромите во Македонија“, изјави Фатос Усаинова, Ромски ресурсен центар.

Оргинална театарска продукција, формирање на младински фудбалски клуб како и работилници се дел од наградените проекти. Генралниот директор на Директоратот за преговори за проширување, Критсијан Даниелсон, истакна дека ЕУ ќе продолжи со одобрување на фондови и стипендии, а таргет ќе бидат пред сѐ младите и децата, нивното образование и поттикнување на нивна поактивна улога во локалните заедници, од што корист би имало целото опшество.

ЕУ преку овие награди придонесува до видливост на ромската популација, чиј потенцијал не е доволно искористен, со цел да се подобри животот во ромската заедница, како и да се истакне политичката важност на инграција на Ромите во процесот на проширувањето.

Марина Стојанова- Тонева, постојан дописник од Вашингтон за МРТ