Попоски во Брисел на состанок со министрите на ЕУ

На покана на Високиот претставник на ЕУ за надворешни работи и безбедносна политика Кетрин Ештон, министерот за надворешни работи на Република Македонија, Никола Попоски денеска  во Брисел ќе учествува на годишниот традиционален состанок на министрите за надворешни работи на земјите-членки на Европската унија и на земјите - кандидати за членство во ЕУ: Македонија, Исланд, Црна Гора, Србија и Турција.Главна тема на состанокот ќе биде Јужното и Источното соседство на ЕУ, при што дискусиите ќе се фокусираат на прашања поврзани со Втората женевска конференција за Сирија, уставниот процес во Египет, Самитот на ЕУ за источното партнерство , царинската унија која ја промовира Руската Федерација, како и ситуацијата во Украина.Дел од разговорите ќе бидат посветени и  на заклучоците од состанокот на Европскиот Совет за Заедничката безбедносна и одбранбена политика на ЕУво насока на идентификување на идните активности кои имаат за цел подобрување на ефикасноста на воените и цивилните мисии на Европската унија.