Туск во Скопје на средба со Иванов
Претседателот на Европскиот совет ќе има средба со македонскиот претседател Ѓорге Иванов на која, според најавите, ќе се разговара за мигрантската криза, улогата на Македонија во справувањето со неа, како и за политичката состојба во Македонија.
Претседателот на Европскиот совет, Доналд Туск денеска е во посета на Република Македонија. Во 14 часот во Вилата Водно има средба со шефот на државатат Ѓорге Иванов, на која што ќе се разговара за илегалната миграција, но и за политичката криза во земјава.
По состанокот се очекуваат изјави од претседателот Иванов и од неговиот гостин- претседателот на Европскиот совет.
Средбата е дел од регионалната турнеја на Туск, кој изутрината разговараше со претседателот и со премиерот на Словенија, Пахор и Церар. Потоа Туск замимнува за Бугарија, а оттаму оди во Грција.
За две години, ова е трета посета на Доналд Туск на Република Македонија.