Европскиот парламент оваа недела ќе го разгледа прашањето за Брегзит

Европскиот парламент на заседанието во Стразбур ќе го разгледа прашањето за британскиот Брегзит. В среда ќе биде усвоена резолуција со главните позиции и цели на Парламентот во преговарачкиот процес со Лондон.

Акцент ќе биде ставен на неопходноста од обезбедување еднакви права за граѓаните на ЕУ, кои живеат во Велика Британија и за британските државјани кои живеат во Европа.

Европратениците утре ќе разгледаат преземање на итни мерки за справување со миграцискиот бран.